諸葛揀蟀奉旨（目及）仔
名模諸葛紫岐（Marie）自組娛樂公司，旗下有兩名「愛女」呂晶晶和莊端兒，昨日齊齊出席公司新春團拜，她透露正在物色高大俊男，講明奉旨睇靚仔揀蟀；而旗下的呂晶晶獲Marie悉心照顧，笑言視她為半個阿媽。
Neway二太子薛嘉麟太太諸葛紫岐（Marie）自資組成的娛樂公司星韜娛樂昨舉行新春團拜，旗下藝人前亞姐呂晶晶和張智恒女友莊端兒均性感到場。Marie說：「公司星韜娛樂，『韜』係個仔個名薛華韜的韜，『星』係希望旗下嘅星變好大嘅星。」她透露將陸續再簽新人，現專心揀男仔，希望簽到高大靚仔，最少要180cm身高。她說會自己親自揀蟀，可謂奉旨睇男仔，問老公會否呷醋？她說：「有潛質賺到錢嘅藝人佢都想搵，唔擔心，如果喺街見到條件唔錯嘅男仔，會叫同事去問對方。」
不介意囝囝入行
提到15個月大的兒子薛華韜，已屆入讀BB班之齡，故讓她可以放心專注事業，笑言已有兩「女」（呂晶晶和莊端兒），故不急於追生女。問到將來會否捧兒子做童星？她說和老公持開放態度，只要兒子有能力和有興趣，不會阻止，若有人邀請他們母子出鏡，亦可以考慮。
呂晶晶表示簽約兩個月，自言發展不俗，表示感謝老闆對她照顧有加，笑言Marie係自己半個阿媽：「佢對我出活動嘅頭髮和化妝都有畀意見，會緊張，話一定要靚。（Marie救咗你？）係，自己都離開亞視3年，當初都係因為亞視冇劇拍先走，之前都半放棄香港市場，返大陸拍劇，今年好想試吓拍電影。」她說老闆從不阻止拍拖甚至結婚，笑言：「佢話我幾時想放假都OK，冇問題，好大自由度，從來冇鬧過我。」
Regen自爆甩拖
而星娛樂一班藝人包括女子組合HotCha的Regen（張惠雅）、Winkie（黎美言）、Crystal（張紋嘉），以及羅孝勇和葉文輝等均出席撐場，早前被拍到與藝人張景淳拍拖夜蒲手拖手兼攬攬的Regen，問到拍拖一事，她竟說：「大家拍嘢時係互相有好感，但返港之後各有各忙，感情都無疾而終，依家想專注事業先。」
文：名人組