祖兒為龍下廚 啖啖驚心

自認是半個澳門人的樂壇天后容祖兒昨晚偕張智霖（Chilam）以嘉賓身份到澳門出席春茗活動，同場還有台灣性感女神天心和林曉峰擔任司儀，現場筵開超過200席，宴請超過2000位賓客，祖兒和Chilam分別獻唱金曲，場面熱鬧。

為男友澄清是非

祖兒一身金色連身短裙現身，大騷長腿。談到日前元宵佳節，愛下廚的祖兒透露跟男友劉浩龍（師兄）在家甜蜜煮飯仔：「我自己上網學，煮咗麻婆豆腐同蒸魚。（廚藝好唔好？）唔好o架，一步一驚心。（好唔好味？）好唔好味就唔好提，起碼算順利做到嘢，冇肚屙。」她亦大呻下廚很難，因為要很多時間準備，但自己又愛下廚。

至於祖兒早前與師兄蜜遊大阪，但有報道指師兄因不滿被追訪而怒踢記者鏡頭，對此護男友心切的祖兒大呼冤枉：「冤枉呀，大老爺！我係件事嘅唯一證人，佢只係唔小心踢到，唔係有心，我可以做證。上車嗰陣冇諗過個記者會追埋上嚟，師兄閂車門唔小心踢到佢，都有同佢道歉。（但師兄畀人話冇品？）佢唔會太介意，識佢就知佢份人係點。」談到最近吳浩康被指背女友鍾舒漫（Sherman）偷食，祖兒坦言沒跟他聯絡，但大讚Sherman堅強，希望她會盡快收拾心情開心番。

劉浩龍	張智霖身穿特別設計的西裝到場。	台灣性感女神天心盛裝出席春茗。

出豬骨湯味面膜

Chilam透露剛在韓國拍完內地節目《一路上有你》，太太袁詠儀則仍留在韓國「血拼」，問到信用卡是否任太太碌？他說：「任『look』就係，佢每次都買好多面膜返嚟，我都有試，可以做『面膜達人』，希望遲啲可以出男士專用面膜，或者出豬骨濃湯味拉麵嘅面膜補充骨膠原。」他亦表示下周會到澳門拍攝電影《十月初五的月光》，稍後亦會跟型男古天樂再合作拍電影。

攝：司徒國榮