吳若希靠自己 羊年做業主

憑42吋長腿俘虜萬千宅男心的Jinny去年憑《越難越愛》帶動人氣，隨即被翻舊帳，包括與「富二代」前男友的「咀嘴」相、入行前的三點式相、為情自殺兼忽然富貴，是非纏身的Jinny同時緋聞不絕，前後與演員蕭正楠、周志文、「大隻仔」溫家偉及同門師弟鄭俊弘，天生樂觀的Jinny日前接受昨日出版的《好報》專訪，逐點回應不實報道。

有意整容變靚啲

Jinny坦言入行至今從未受過「快錢」引誘，強調一直都是使自己錢，問到有否被包養過？Jinny理直氣壯說：「黐線，點會呢？我可以發誓冇被包養過。（點睇被包養？）好介意，媽咪由細教我女仔一定要靠自己，包養唔會喺我身上發生。」問到會否賺皮肉錢？Jinny說：「我覺得可以靠自己搵錢，唔需要出賣肉體。」她更直言多單緋聞全屬「流料」，並希望羊年搵到真命天子。被指「Pizza面」的她承認有意「大執」，不介意隆胸、隆籮及整高鼻。

被指「Pizza面」的吳若希承認有意「大執」。	吳若希近兩個月已勁賺逾百萬。	《好報》專訪吳若希，由她逐點回應近日的是非。

兩個月吸金百萬

「突然富貴」的Jinny表示租住的單位不是報道所講的四萬元，她說：「冇咁誇，自己有儲蓄同投資基金。」另外，Jinny於過去兩個月以表演嘉賓身份出席十多間公司的周年晚宴，加埋平時的公開活動，每場以五萬元騷價計，Jinny於短短兩個月成功吸金過百萬，她昨日在電話中說：「數字唔使特登講，總之我依家生活得好開心、好足夠，屋企人都有好好生活，依家最緊要儲多啲錢，希望今年內做業主。」

文：火品木