藝人唐詩詠及吳業坤昨日到油塘出席戒煙活動，詩詠表示不接受吸煙男做男友，她說：「我屋企所有男士都吸煙，我5歲時已同自己講，第時男友唔可以係煙民。（緋聞男友洪永城係煙民？）唔知，你問番佢。（你提佢唔好食煙？）冇喎，但我真係接受唔到吸煙男，實扣分，就算諗住拍拖都會唔拍！（所以佢追唔到你？）哈哈哈，依家終於明點解啦！」
吳業坤早前惡搞《衝上雲霄》MV，獲逾50萬點擊率，他說：「好開心網友讚我唱歌好聽，希望終有一日，我可以返去唱歌。」
