嘉穎讚發哥冇得頂

鄭嘉穎、高海寧及陳展鵬等昨日宣傳新劇《天眼》，談到日前開工時野生捕獲影壇巨星周潤發，嘉穎以「開心死」來形容，透露平日對「集郵」沒興趣，但當日他卻匆匆拿手機，讓發哥與他自拍：「佢揸機真係冇得頂，selfie技術絕對可以化腐朽為神奇，仲話有睇我套劇，第二日又拍另一套，後來仲同成隊Crew影相。」對於有網民惡搞其代言炸雞廣告，嘉穎笑謂：「場戲係有少少故意，呢個品牌都有贊助套劇，開場時都講我食緊炸雞，係商業元素。」而戲中與楊怡激咀，嘉穎表示該場戲將不時於劇中穿插，作為楊怡的回憶片段，拍攝時亦打醒十二分精神。