蔡思貝洗衫板遭嫌棄

近日成為緋聞女王的蔡思貝(Sisley),前晚出席新劇首播飯局時,對於拍檔沈震軒(Sammy)透露早前追女失敗,Sisley即否認被對方追求,大爆Sammy對身材平平的異性沒興趣,更着大家不要產生誤會!

蔡思貝(Sisley)、沈震軒(Sammy)、溫家偉、譚凱琪等前晚出席劇集《衝線》首播飯局,有份演出的羅仲謙因身在無錫未能現身,負責統籌的Sisley透露平日多由阿謙處理,如今暫為代替對方,但夾錢會預他一份,更指該劇才是首部擔正劇集,由於擔心觀眾反應,故心情頗為緊張。

談到拍攝該劇時與阿謙傳緋聞,那有否擔心緋聞隨住劇集播出被翻抄?Sisley笑謂:「唔會,戲入面同佢鬥氣,本身係朋友,佢話最後宣傳會返到嚟。」正在休假的思貝,表示稍後會有新嘗試,但就大賣關子。

自爆追女失敗

而Sammy則透露劇中與Sisley青梅竹馬,與阿謙卻識於微時,但最終展開三角戀,坦言現實中不容許這情況出現,即使女友也會到後期才介紹給身邊朋友認識,問到現時有否女友?他表示正在尋覓中,自爆dry足四年,早前更追女仔失手,同場的Sisley隨即被追問是否拒愛?她笑謂:「佢點會追我,(佢)成日話唔鍾意洗衫板,大家誤會咗!」Sammy聞言即反擊:「係比洗衫板更加……,其實依家着重感覺,要溝通到,兩年前我都未想拍拖,最近同我年齡層嘅都結婚生仔,覺得自己唔可以咁,所以開始open去搵對象。」

文:影視組