張嘉兒「豬扒面」變V煞
曾有「豬扒港姐」之稱的張嘉兒於《2007年香港小姐競選決賽》中，在全場噓聲中爆冷奪冠。由於其外貌不起眼，當選後遭大批網友狂插似William Hung（孔慶翔），更有日本網民取笑其「Pizza面」，並指是史上最名不副實的港姐冠軍。飽受抨擊的嘉兒雖視各界評論為推動力，但亦坦言被封「豬扒港姐」曾令其信心動搖。
事隔七年，嘉兒的「包包面」離奇變「V煞面」，外形愈來愈索，難免惹來整容疑雲。但她卻解釋是靠游水keep fit及化妝：「係運動成績，我冇整過，唔鍾意被人話我整過。我有學化妝、好努力去改善自己，睇番2007年參選啲相都Ｖ，但有啲登出嚟都好包，係角度問題。」
