八和會館主席汪明荃及羅家英昨日到佐敦出席「香港八和會館乙未年新春團拜」，家英哥透露年中會重新投入工作：「月尾做檢查，年中會接番，返內地做嘢！（阿姐放假陪你？）絕對唔會！唔想佢陪，佢忙呀，而且距離產生美麗嘛！（你咪可以去揼骨？）一齊揼啦！（阿姐有冇整嘢你食？）好少，淨係叫我攞餅乾。」汪明荃解釋：「我都整咗50底蘿蔔糕，畀家英啲親戚同隔籬鄰舍，佢彈我啲蝦米落得唔夠！」
