克勤舞功輸蝕 撩祖兒谷胸

樂壇天后容祖兒跟李克勤向來老友鬼鬼,昨日兩人就在社交網站向樂迷宣布喜訊,今年九月兩人會拍檔在紅館開騷,祖兒更自誇說話技巧進步良多,打趣稱克勤即使舞技不強,亦可穿「現袋褲」補數。

容祖兒和李克勤兩位樂壇上唱得之人,自十多年前合作過音樂會後就結成好友,多年來一直希望在紅館再續前緣,事隔多年後終於在去年祖兒的生日會上決定入紙申請,成功取得九月的檔期,令兩人雀躍萬分,更立即在Facebook開設專頁,向樂迷報喜。而逗得克勤利是的祖兒更被好友催婚:「逗埋今年好喇!」

說話技巧大改進

演唱會暫名「容祖兒‧李克勤 X 紅館」,更表示會將所有籌備過程的最新消息,上載網上跟大家同步分享。兩人又拍了一條搞鬼片段,片中兩人互相取笑對方,氣氛融洽。祖兒直言最近說話技巧進步神速,有信心可以跟得上出名牙尖嘴利兼反應快的克勤,不過就非常擔心到時要和克勤一起跳《舊歡如夢》的搞笑舞步。而克勤就表示:「我覺得最好講少啲,我話我哋最好唱多啲歌。」坦言舞技不如祖兒的他更笑說:「我打算到時谷大個胸當贏。」祖兒就立即反擊:「谷大個胸?我哋唔講呢啲!咁你係咪着『現袋褲』先?」

文:音樂組