黎燕珊甜到漏 心郁賣糖水
黎燕珊以百變懷舊造型向本報讀者拜年，她更自爆新一年打算與家人豪擲超過七位數資金開設糖水舖！珊姐又透露保養秘訣在於「心甜」：「本身好鍾意食同整傳統中式糖水，夠晒滋潤！而且仔女都好乖，細仔考試成績好好，大女最近開始打工，仲第一次畀家用我！（感覺滿意？）直頭sweet到唔捨得用！」
珊姐又透露新年會到台灣旅行，可惜仔女因學業及事業問題而未能同行。問她有否「投訴」仔女？珊姐即笑言被他們當BB對待：「投訴到爆，佢哋第一次唔跟我去旅行！（點樣氹番你？）走嚟抱住我話『媽咪乖啦』，即刻嬲唔落！」
場地：荃灣愉景新城
服裝：Jessica