票房報捷 嘉玲戥老闆開心
《賭城風雲II》女主角劉嘉玲昨日接受本報電話訪問，得知《賭》片內地票房報捷，不禁在電話中哈哈大笑大呼：「好開心！」並謙虛的說：「票房大收我當然好開心，我可以沾到啲光！拍戲咁耐以嚟我都唔會刻意留意票房，賺到錢梗係好事，投資者或老闆都有錢賺。（期望票房收幾多億？）我冇個人諗法，總之愈高愈好。」
嘉玲說票房大收，也有意搞飯局慶祝一番，並已約發哥在今天吃飯，她說：「真係咁啱，我一早約咗發哥喺今日食飯，同票房無關。其實做首映當晚，王晶都話會搞慶功宴，大家都度緊期。」而向來親民的發哥前日才開通微博，當有人懷疑戶口真偽時，他上載與嘉玲的合照，而嘉玲亦親自回覆，證明戶口的確由發哥開通，結果昨日關注粉絲人數已達67萬人！
至於《衝》片主演之一的佘詩曼正身在外地度歲，知道票房報捷的好消息後，阿佘在電話訪問中亦難掩喜悅說：「收到票房報捷嘅消息，好開心，羊年好開始，多謝觀眾支持！」