古天樂派阿媽睇鴨
電影《12金鴨》的After Party中，女有女瘋狂，但男的包括古天樂、劉浩龍、Baby John及姜皓文等亦玩得興起，其中劉浩龍與另一舞男鬥酒比試酒量，姜皓文則與舞男鬥擺甫士。
姍姍來遲的古天樂表示因工作忙所致，講到君如請舞男表演令女士high爆，他說：「係咩？君如之前畀我睇過片，都幾震撼。（有冇興趣試吓？）我又未去到要咁。套戲女性應該睇得好開心，我都派咗我阿媽嚟睇。（情人節有咩節目？）同杜琪峯開工拍戲，好sweet夜晚book咗同杜生、杜太一齊食飯過情人節。（做電燈膽？）都好喎。」