姜麗文揀情侶錶冧Daddy

臨近情人節，先後與鄭俊弘及韓國男團2PM成員Jun K（金閔俊）傳緋聞的秦沛女兒姜麗文（Lesley），日前竟低胸現身天梭旗艦店揀錶，更選中一對「TISSOT Bridgeport自動情侶腕錶」。不過自爆愛情侶裝的她，就否認蜜運笑言是為爸爸所揀：「呢個款好啱爸爸，啱晒同我情侶裝。Daddy's my Valentine！」她又直認曾孖前男友買錶：「好耐以前啦！」更寄望再有男友時可借情侶錶蜜蜜「表」心意！不過她不諱言此錶款啱異地戀人：「呢隻錶啱全世界，我知佢哋有啲錶係有兩個唔同嘅時間，可以畀啲Long-D（異地戀）嘅戀人睇。」

捧緋聞男友Jun K場

提到今個情人節，Lesley再提家人轉移視線：「好開心今年爸爸同哥哥都喺內地拍完劇返嚟，會同佢哋一齊過，同埋睇演唱會啦。」追問之下，她終甜笑默認會捧緋聞男友Jun K場，不過否認騷後會相約對方。鬼妹仔性格的她笑言：「我本身係好肉麻、好浪漫嘅女仔，真係every day都係情人節。我好relaxed，喺屋企一齊食吓爆谷、睇吓戲都好開心，唔一定要送花。」緋聞對象國籍大不同，Lesley亦坦言國籍及文化不重要，最重要是有內涵。

秦沛	姜麗文坦言男友國籍、文化不重要，最重要是有內涵。

文：專案組

攝：吳文聰　

場地：瑞士天梭表MOKO旗艦店　

髮型：Dickson Tang@Hair Corner