網民鬥晒 偶像萬人like
發哥冧盡全港人，有網民上月在社交網站建立「捕獲野生發哥」專頁，吸引網友爭相上載與發哥的合照及分享偶遇的趣事，未夠三周已有逾萬人讚好，有網民更轉貼去年在YouTube上傳的一段「周潤發（發哥）向我揮手」的短片，片中一身黑衫便服戴黑超的發哥過馬路時向車中的幸運司機友善揮手；微博上亦出現「活捉周潤發」的話題區，讓內地網民也可感受「捕捉發哥」的興奮心情。
有趣的是，有網上音樂平台更推出「捕獲野生發哥進行曲」，精選了廿多首歌曲，如孫燕姿的《遇見》、古巨基的《明星》、陳奕迅的《抱擁這分鐘》及許志安的《唯獨你是不可取替》等，從歌曲中感受既興奮又緊張的心情！有網民更提議把the pancakes為發哥所創作的《給發哥的歌》加入歌曲名單。
網民有話兒
Yxxxx Cx：十幾年前唔使捕，發哥自行游埋嚟。地點係以前東英大廈的相機舖。嗰陣冇selfie，要菲林合照等沖晒等簽名，仲係食住下午茶等相沖好的，難忘！
Yxxx Txx Fxx：2月4日，水浪窩，捕發哥！發哥更指明要由佢揸機……
車xx：2014農曆新年期間，於1881巧遇發哥和發嫂，佢主動同我笑然後說恭喜發財，心想事成！我要求合照，由於太緊張我冇望鏡頭，佢同我講：小姐鏡頭響呢樹呀！跟住要同我影多兩張。
Cxxx Cxxxx：1月25日星期日去大嶼山行山，見到發哥，即刻要求同佢影相，佢本來食生果食到一半，都冇拒絕我哋，真係好nice。