吳雨霏三喜臨門二月開騷
吳雨霏（Kary）上月與拍拖八年的「網球王子」洪立熙（Brain）在美國秘密成婚榮升「洪太」，昨日環球為Kary舉行「三喜臨門」記者會，穿上性感低胸裝佩戴300萬鑽飾的Kary坐大紅花轎出場，宣布Kary與環球續約，即場進行簽約儀式，Kary親自宣布第二件喜事：「我結咗婚啦！」而第三件喜事便是2月中舉行音樂會。
至於Kary無名指戴上巨型求婚鑽戒，但卻未見婚戒？Kary稱：「其實未買，原本佢係諗住求婚，所以去到美國註冊冇交換戒指，簽紙過程用咗5分鐘，連個證婚人都話未試過咁快，但簽個格位太細，我驚到手震。」而Kary稱會在港補擺喜酒及儀式，大概會在暑假，現已與老公同住，但否認有喜，Kary謂：「啱啱先續約，順其自然啦。」