洪卓立背女友咀同事

英皇歌手洪卓立(Ken)日前在《勁歌金曲頒獎典禮》上開齋贏得金曲獎,他在台上鮮有多謝女友湯怡,事後受訪時,他自爆是師姐容祖兒做「媒人」:「其實我一向好低調嘅,係祖兒喺台下嗌『湯怡』囉。(點慶祝?)未諗呀,拍完依家套戲先算啦,可能去食大餐。」

Ken表示正在忙於拍攝英皇電影《三條友飲醉走》,在劇中他不時要扮「醉貓」狂嗌:「反而冇乜飲酒戲,係成日要大嗌,嗌到把聲『皺』晒,個人好攰呀!」他又預告有公司同事將會客串其中一角,二人更會有錫錫戲:「劇情係講我哋用嘴傳紙牌時傳跌咗,唔小心錫到對方。」