葉麗儀圓潤箍住老公
葉麗儀（Frances）一連三場「葉麗儀45年香港情演唱會」前晚圓滿結束，Frances帶同外籍老公David及專程從澳洲來港捧場的囝囝出席慶功宴，David還應記者要求親吻太太Frances，場面溫馨。
問到會否舉行巡迴騷？Frances說：「聽到好似有，不過要睇檔期，個騷都幾複雜同費用好大，5月我又返嚟做煇哥（顧嘉煇）個騷。」提到在個唱中叮囑眾女士切勿過度瘦身，她笑說：「如果唔係老公就會去攬第二個。」其外籍老公是否喜歡她珠圓肉潤？Frances說：「冇同我講過。（老公有冇試過攬第二個女仔？）冇，佢好專一。」
