藝人黃翠如昨日到馬鞍山出席「潮藝吉祥賀新禧」活動，場內展出多款罕有貴價龜，翠如說：「我對龜有特別情感，因為我細個花名叫『水魚』，無論我個名『翠如』，抑或性格都同水魚好似，我好鈍o架！同學話水魚係龜嘅一種，所以我細個有養龜。（你同男友蕭正楠邊個鈍啲？）我哋係鬥水魚，兩個都笨。」她透露農曆新年或與家人外遊，但男友有劇上，故未知能否同行。
