Bob孖Kelly為鄰升呢住豪宅

林盛斌在司儀和主持界獨當一面,工作密密接,單是去年就已進帳近一千七百萬。據知,他為工作身體已捱到七勞八傷。但為家人有更舒適生活,計劃細屋搬大屋進駐加多利山二千呎豪宅居住,實行與歌手陳慧琳為鄰。

藝人林盛斌(Bob)除為電台、無綫効力外,亦是商場、品牌公司搞騷的熱點主持和司儀人選之一。根據《好報》獨家披露Bob單是去年收入已進帳近千七萬,成為頂吸「吸金王」。入行多年的Bob工作「密密接」,至今在旺角已擁有兩個住宅和一個寫字樓單位、深水埗區擁有五個二百呎的單位,以及擁有兩部汽車,資產值達三千多萬,身家總值約四千七百多萬。據知為提高一家的生活質素,Bob正計劃搬到何文田加多利山二千呎豪宅居住,與歌手陳慧琳(Kelly)為鄰。

女多負擔大

記者聯絡上Bob,他表示:「多謝抬舉,講真全部都係辛苦錢嚟o架,要搵命搏。我一年幾次大病兼幾日冚廠。三個月要打一次開聲針,定期睇中醫調理身體,近年身體真係差咗好多。(好多物業?)物業都係呢幾年一萬、幾千蚊咁辛辛苦苦儲番嚟,都係以儲錢和自住為主,唔係炒賣。」

Bob承認近年工作酬勞和待遇比以前進步,他說:「好多謝和感激無綫和新城電台畀好多機會我去認識唔同人,多謝客戶。呢兩、三年屋企多咗新成員,壓力同負擔大咗好多,我都係積穀防飢、好天收埋落雨柴,娛樂圈呢行今日唔知聽日事。」對於計劃細屋搬大屋,他表示是為家人生活可以較為舒適,他說:「家庭多咗新成員,都想大家住得好啲。睇樓時啲女好開心,但因為租金都好貴o架,惟有再辛苦啲,我咁辛苦搵錢都係為頭家。」

開騷賺到盡

此外,Bob前晚為鏡片品牌的周年晚宴擔任司儀,透露新一年計劃開Talk Show繼續吸金。農曆新年難得休假可以出去派利是,他笑言小朋友出世至今儲起的生日和新年利是,可以留待日後她們做嫁妝。

另外,《好報》同時獨家披露了藝人黃芷晴和黃美棋去年同樣吸金逾百萬,而組合Robynn & Kendy更進帳五百萬元,「錢」途同樣無可限量。

文:影視組