Cara G.吊鹽水夫代出征

混血女模Cara G.因病而未能出席香港時裝周的閉幕騷,她的廿四孝老公Jesper不但時刻陪伴在側,為她送上愛心靚湯,更代她出席時裝騷以表誠意。難怪Cara即使抱病在身,仍然甜在心頭。

香港時裝周昨日的閉幕騷吸引了名模周汶錡(Kathy)、歌手JW、名模馬詩慧大女王曼喜等捧場睇騷,眾人更穿上中式打扮現身。本來獲邀出席的混血女模Cara G.,因患上急性腸胃炎未能出席,身在醫院的她更上載吊鹽水的相片到instagram,看來病情不淺。

周汶錡法國滑雪

Cara對於缺席時裝周感到非常傷感,她表示老公Jesper已代她出席活動,以表誠意,她說:「我好頭痛,又嘔咗幾次,有啲胃抽筋。尋日(前日)Jesper喺醫院陪我陪到四點幾,今日(昨日)佢又帶湯畀我,陪咗我成日之後,仲代我出席時裝周,佢真係好好!(會否擔心患上致命的流感H3N2?)應該唔會,只係留院觀察兩日,多作休息,應該冇事痊愈。」

Kathy則透露農曆新年將與老公往法國滑雪:「想去幾日,不過老公想去十日以上,我都嫌多得滯,我想去巴黎shopping多啲。(法國之前有恐襲,驚唔驚?)有啲驚,新年我都想陪吓家人,因為結咗婚之後都有人嚟(才豆)利是,想早啲返香港。」

JW
  • JW

曾昭怡恩愛睇騷

時裝周另一場重點時裝表演Moiselle時裝騷前晚舉行,不少城中名人二代都是座上客,包括香港時捷集團主席嚴玉麟女兒嚴紀雯、四洲太子女戴凱欣、大律師周國豐伉儷等,還有熱衷於投資股票地產的曾文豪女兒曾昭怡,剛剛新婚的她前晚如連體嬰般翹實老公郭俊賢出席,甜蜜睇騷。

文:名人組