梁嘉琪有心水怕醜冇抄牌
梁嘉琪、李佳芯（Ali）、麥美恩、張秀文及湯洛雯合作主持新一輯資訊節目《學是學非》，到大型基建教大家「明辨是非」！五女鬥爆拍攝趣事，Ali踢爆嘉琪迷倒型仔消防員，嘉琪即笑言順道去相睇。
今次幾位主持跳出家居，到訪污水處理廠、纜車維修部、消防局及垃圾堆填區等大型基建，Ali笑言最難忘到八鄉消防局「睇靚仔」：「今輯有好多機會去一啲平日冇得去嘅地方，例如去消防局取經，但我哋掛住討論邊個消防員靚仔啲，點知有個有型阿Sir係嘉琪fans，呢個就讓畀佢啦！」嘉琪即笑說：「其實我係去相睇嘅！但太怕醜，冇交換電話號碼。」
嘉琪又表示最難忘親眼目睹三層樓高的地鐵鑽挖機，感覺震撼。至於能量爆燈的麥美恩原來也有死穴，在污水處理廠拍攝時臭到幾乎暈：「我好怕污糟同臭味，但要去抽污水樣本，頂唔順！好在嘉琪幫我頂咗，佢好有義氣！」
張秀文出師不利
每位主持都有「角色設定」，嘉琪是大家姐、心穎是BB、Ali是長腿女神、麥美恩則是被欺負者，張秀文及湯洛雯直言要努力融入節目，擦出火花，不過秀文自嘲出師不利：「第二日錄影就拗柴！因為我想活潑啲佻脫啲。（最期待去邊度拍攝？）堆填區，我怕污糟但有冒險精神！」
湯洛雯服裝：Hive Fashion
梁嘉琪服裝：2068
頸鏈：Odeon
文：立影
攝：張福宏