路芙操fit拍劇

新城DJ路芙首次拍劇大獲好評。談到拍攝過程,她透露有場戲要與陳明恩在酷熱的街頭打架,結果一個發燒,一個中暑:「呢啲就叫辛苦,不過多數喺廠拍,舒服嘅!」她又坦言想嘗試挑戰演繹充滿內心戲的角色。

路芙在空餘時間會滑水、打泰拳和乒乓波,但就非為減肥,而是為健康:「我之前做過基因測試,佢check到我每星期要用六個鐘做運動先可以減肥,但太難喇!我會寧願着重喺飲食多啲,因為個test仲可以畀你知食咩冇咁易肥。」她笑言自小喜歡吃白飯,當知道吃澱粉質食物不易致肥後即「大食特食」。

場地:CeLLZ Health&Sports Clinic