藝人陳嘉佳（小寶）及林盛斌（Bob）昨日到鑽石山出席「熊貓3胞胎陪你過新年 玩轉長隆」活動，小寶對長隆讚不絕口：「我好細個時去過長隆，同白老虎食早餐，好難忘、好surprise，好想再去呀！因為我好鍾意動物，嗰時我仲偷雞帶啲餅去餵動物，佢哋好熱情咁走晒埋嚟，我未見過熊貓BB，好想去睇熊貓三胞胎！」
Bob則計劃舉家去長隆，他說：「我去過長隆兩次拍特輯，好想帶啲女去睇動物，上年plan成年都行唔開，佢哋成日問我：『爸爸幾時帶我哋去睇動物呀？』希望2015年成行！」
