吳嘉龍教潛水難搵食

藝人吳嘉龍乃潛水先鋒,14歲已考獲潛水牌,現有Dive Master級別,足以教人學潛水,他笑言愛潛水:「喺海裏面好舒服,好自由自在,你永遠唔知道海底會遇到乜嘢,好有驚喜。」

問他新一年會否考慮棄影轉做全職潛水教練?他說:「好難搵食喎!玩就得,我都鍾意帶人潛水,之前有間公司搵我喺課室教潛水理論,喺陸上教冇乜興趣。呢排見到好多人想學潛水,但佢哋唔識游水就去學潛水,如果出事就好危險,所以我只會教識游水嘅朋友,另外佢哋要有環保意識,唔應該隨便拎走海底嘅一草一石。」

鳴謝:梅花表