欣宜讚合襯許廷鏗留言恭喜
歌手鄭欣宜昨日出席保健產品分享會，對於鄭俊弘（Fred）與吳若希（Jinny）被踢爆暗撻放狗，剛從意大利佛羅倫斯返港的她驚嘆：「係咩？我冇睇呀，原來呢五日我miss咗咁精彩嘅報道，我冇問佢哋呀，都係依家先知。（知道佢哋拍拖？）唔知，其實我同佢哋又唔係好熟，但幾interesting，八吓先。」她大讚兩人合襯。
另外，許廷鏗跟鄭俊弘及吳若希同一間公司，他說：「我今日都睇到，知佢哋都係愛狗之人，可能係交流吓狗經。（知Fred有女友？）唔知，同佢好少交流呢啲嘢。」跟吳若希比較熟的廷鏗笑言：「Jinny成日傻傻更更乜都笑一餐，（佢有冇同你提感情事？）冇喎，我哋公司同事有個whatsapp group，等我喺嗰度恭喜佢哋先。」
