素顏靚靚為Chilam裝身
最近「Cool魔」張智霖（Chilam）孖住老婆袁詠儀（靚靚）齊齊參加內地真人騷《一路上有你》，二人頻頻離港飛到韓國拍攝該節目。
二人日前被《東網》追蹤部隊發現趁回港期間，立即到中環添置新裝。他們與一名男友人於該處的名店揀選心頭好，見靚靚不停為老公挑選靚衫，期間更有顧客上前要求合照。夫婦兩人逗留約一小時已大有斬獲，提着戰利品的Chilam步出商場的時候，見記者拍照即大方揮手打招呼，更透露當天是特地揀定靚衫出席頒獎禮。反觀素顏的靚靚卻不欲上鏡，不時躲於老公身後及低頭避鏡。