榮升新一代男神的王宗堯備受廣告商垂青，短短兩個月就接下多個廣告。提到近年亦有不少女性用品交由男星代言，問到王宗堯能否接受？他即笑言：「都OK喎！有好多嘢都想拍，嚟緊都希望有多啲工作機會啦。」接Job接到手軟的他被指「過肥年」，他亦直認不諱：「係比往年好啲，小豐收，好開心，多謝大家支持！（有咩大計？）儲起佢，計劃添置物業，所以都想做樓花廣告，當然仲有孝敬家中兩老啦！」
