新人歌手岑日珈（Angie，圖）早前出席活動，談到新一年的大計，Angie透露正為第一張EP做準備：「本身係上年12月出嘅，但當時因為整親腳，而我有一首歌係要跳舞拍MV，所以就推遲到一月先出。」她又表示公司打算投資電影，希望可以撈到個好角色：「其實我一直都好想試吓演黑社會大佬嘅女朋友，好有大家姐feel嗰種，細細個成日睇港產片，啲大家姐同人講吓數，又可以揸槍，覺得好有霸氣！」Angie表示作為藝人要多元化發展，期望在得到第一個角色前可以修讀演藝課程進修。
