蕭正楠羨慕洪永城 孖翠如遊世界
蕭正楠在無綫新劇與女友黃翠如情侶檔入屋邨做臥底智鬥貴利王，自爆戲中強吻女友的他就坦言並非一吻定情，更力指拍攝時並未擦出愛火花！雖然二人戀情現正順風順水，但他就嫌平凡之餘，更大呻女友同洪永城出雙又入對！
藝人蕭正楠（Edwin）在無綫劇《師奶Madam》中為調查屋邨貴利王逼良為娼，做臥底化身渠王儆惡懲奸。對於扮Man有特別技巧的他就笑言劇中用盡法寶冧師奶：「要不停出招攞料，埋堆同班師奶扮Friend！（狂抽師奶水？）係啲師奶自動波抽我水！仲要跟佢哋唱《帝女花》！」
齊諗計救形象
至於劇中有否與女友翠如的親熱戲？他就直言有強吻戲份：「但一啲都唔浪漫！場戲係挑釁翠如阿爸阿媽，話『你個女係跟我o架喇，點吖！』」又指自己與對方不是一吻定情：「本身冇嘢嘅，但係嗰時雜誌寫到佢好衰，大家諗計拆。到完咗成套劇，到佢完咗《走過足球聖地》返嚟，喺電話度先Feel到有啲感覺。」
女友揀專訪衫
已與翠如經歷不少高低的Edwin回首一看，就覺得當時一窩蜂的負面新聞有如「逆菩薩」，不但打擊不了兩人前程，反而催生二人情愫，他更謂：「我做咗佢超級強大嘅後盾，所以呢幾個月真係好開心，終於見到彩虹。」即使Edwin與翠如關係正進入大直路，但他仍然羨慕女友與「好兄弟」洪永城能出雙入對：「佢哋可以經歷啲唔平凡嘅嘢，所以翠如同我講，話帶我去非洲睇動物大遷徙。」雖然Edwin把口就話翠如係「男仔」又笑她有一個「好細嘅腦」，但講到女友親自為她搭配專訪裝扮，就笑得甜到入心樣勁冧：「2014年最開心嘅事就係識到佢！」
文：影視組