胡漢清反擊江希文 爭共同撫養權
前女星江希文（Liz）與年長二十年的資深大律師胡漢清分開，有指她受盡精神折磨，兼且無名無分，更有其被毆照流出，引來迴響；昨日胡漢清亦來個大反擊，其受傷照片曝光，表示考慮報警，以及披露現時正跟女方爭取女兒共同撫養權！
江希文（Liz）昨日向傳媒哭訴跟胡漢清的恩怨，而胡漢清亦不甘示弱，身在英國的他表示由於女兒撫養權問題已進入司法程序，故不便回應，於是透過同行的知情友人越洋逐點反擊。友人指自Liz懷孕後，胡漢清就安排Liz到英國安胎待產，當時Liz要求結婚，但胡漢清有感跟Liz認識未是最深，希望大家感情更深厚才談婚論嫁，因此二人只是訂婚。囡囡出世後，二人商討過讓女兒在英國生活及讀書，胡漢清即在當地買屋買車，怎料Liz在女兒一歲多時突然嚷着要返港，之後就不肯回英，兩人就此事經常吵架。去年九月，二人再度吵大鑊，並發生身體碰撞，期間胡遭刀柄挫傷，造成瘀傷，之後胡到養和醫院驗傷，而同樣受傷的Liz事後將傷勢拍下，並寄到胡的辦公室，行為奇怪。
加碼索贍養費
友人稱，當晚衝突後，胡考慮過報警，但礙於小朋友關係而打消念頭，亦不想搞大事情，無奈Liz常以報警及聯絡傳媒來作威脅，二人衝突愈來愈深，最後要對簿公堂，爭取女兒共同撫養權，而Liz亦就贍養費要求不停增加：「本來話五位數，依家又話六位，又話幫個女報咗南區學校，要求喺南區要有屋住，總之要求成日變、成日加，所以仲傾緊。（Liz想要咩？）冇人知，佢一時一樣，一啖沙糖一啖屎，胡生想爭取個女共同撫養權，係希望第時個女嘅教育、成長各方面都有參與權，因為Liz做嘢獨行獨斷，好似報學校又冇同胡生商量。」
友人又謂Liz父親亦有加入做和事老，並贊成女兒及孫女搬回娘家住，但Liz卻拒絕，他續說：「佢爸爸好歡迎Liz同個女返去住，有邊個公公婆婆唔想湊孫，但佢爸爸都話要佢肯先得，後來佢爸爸都覺得煩，話唔再理，都叫我唔好再插手，其實大家只係想回復生活，暫時分開住，保持健康嘅距離同關係，但根本傾唔到！」當初Liz與胡漢清排除萬難走在一起，何以會產生如此極端的變化？友人指也許有人逼婚不遂成為導火線，他說：「同佢一齊艱難，分開亦艱難！（兩個仲有冇得挽救？）佢搞咁多嘢，胡生都好灰心，如果只係大人嘅關係，當然可以好決絕，但一諗到個小朋友就會心軟，個女咁得意。（胡生有冇第三者？）冇。」
文：名人組