曾昭怡晒巨鑽 花球唔益Kary
熱衷投資股票地產的富豪曾文豪女兒曾昭怡出嫁，昨晚與丈夫郭俊賢筵開40席宴請名流紳士。永安太子爺郭永淳與女友楊愛瑾翹實到場大晒恩愛。相反賭王女兒何超瓊與同性蜜友俞琤卻前後腳到賀，甚為避忌。
熱衷投資股票地產的富豪曾文豪女兒曾昭怡，前日與丈夫郭俊賢註冊結婚，昨晚假君悅酒店筵開40席宴請親友。出席的名流紳士，雙雙對對，包括早前公開發聲明撐女友楊愛瑾非第三者的永安太子爺郭永淳，與女友翹到實拍拖去飲，並大方企定定任影晒恩愛；但相對另一對賭王女兒何超瓊與同性蜜友俞琤卻甚為避忌。超瓊先行到場，俞琤相隔十分鐘才到達，俞琤步伐甚大，似趕入會場見超瓊。
而最矚目的可算是去年4月在法國完婚的何柱國兒子何正德與太太林恬兒，林恬兒穿上貼身低胸晚裝，腹部隆起，似懷孕五個月，上圍亦豐滿不少。而其他嘉賓還包括鄧永鏘女兒鄧愛嘉與丈夫、玩具大王蔡志明夫婦、大家樂太子女陳浩寧和老公趙益坤等，場面衣香鬢影。
修身成功眼前一亮
原本身形圓潤的新娘子曾昭怡，為婚禮積極減肥，令人眼前一亮。而姊妹團亦個個靚女，包括幼稚園同學歌手吳雨霏（Kary）與張天愛女兒邢嘉倩等。一對新人於晚上6時半出來受訪，即場連咀兩次。新娘子更手戴約5卡巨鑽婚戒並謂：「依家開始另一階段，心情唔係太緊張，可能因為太開心。等咗咁多年，終於開花結果。（爹哋媽咪有冇唔捨得？）我諗都有啲。媽咪送咗藍寶石首飾同錶畀我。（老公有冇愛的宣言？）尋日講咗，我都有感動到喊，之前以為自己好硬淨唔會喊。」新郎就表示很開心能娶到好老婆，又指婚後會努力造人。新娘子更坦言不會刻意將花球拋給Kary，因緣分無法催逼。
文：名人組