Robynn自爆做「媽咪」

組合Robynn＆Kendy（R&K）昨日出席慈善繪畫比賽，問到繪畫是否她們的強項時，Robynn卻忍不住大爆Kendy小時候畫畫成績為F：「我其實見識過，之前佢要畫我，但唔知點解畫到我塊面係方形！」Kendy馬上笑言自己是抽象派，之後又大讚Robynn的畫功：「佢畫我係畫得勁靚！」另外，二人又提到想用音樂去幫助更多的人，所以不時亦會參與探訪活動，而Robynn更透露正助養一個馬拉維的男童：「我助養佢一年左右，佢依家四歲，未識寫信，好期待有一日會收到佢寫嘅信！」