阿倫眼濕承諾 50周年再聚
譚詠麟（阿倫）昨日到屯門為「銀河歲月40周年珍藏展覽會」揭幕，展覽齊集他多年來的經典歌衫、音樂獎座、黑膠唱片、海報等等，大會安排一眾fans展示他們的珍藏和演繹阿倫的經典歌，一名男fans唱完後請大家報回熱烈掌聲給偶像，並說：「你40年唱咗咁多好歌，希望你唱到80歲，身體健康！」司儀隨即踢爆阿倫眼濕濕，但他死撐沒有，更笑言：「你咪屈我，打喊露咋！」
自嘲未夠分量打手印
訪問時阿倫表示大部分珍藏由歌迷提供：「希望佢哋有份參與，佢哋keep得好珍貴，有好多我都唔記得咗。」他又稱有幾個倉收藏多年演出過的所有物品，甚至是dancer的歌衫，不過未打算自己舉辦展覽：「暫時唔會，要整理都要幾年時間。（等50周年再搞？）都好喎！」談到他在星光大道沒有手印，他笑言：「可能我未夠分量！或者廿年前想搵我整嗰時，咁啱我唔喺香港，我理解嘅。」另外，阿倫前晚到無綫與陳潔靈一同為《超級巨聲4》做評判，兩人少有地同台，故一碰面即相擁問好。
文：音樂組