阿佘冇被嘉穎迫入牆角

藝人佘詩曼、薛家燕和黎耀祥等昨日出席百萬行活動，對於前緋聞男友鄭嘉穎在夜店與「巨咪女」行為親暱，她表示並不知情，但得知後亦無呷醋，更大方送上祝福：「我好希望佢開心。」有否遇過被「牆壁咚」，她說：「冇見過，冇遇過。」早前二人被傳翻撻，嘉穎現時有新歡，問她是否失望，她說：「一直都係你哋講咋喎！（有冇行動追番你？）冇喎！全部你哋自己講。（可覺可惜？）因為我冇睇過（嘉穎被拍片段），佢開心就好啦。」
鄭嘉穎被拍到咀巨咪女。
鄭嘉穎被拍到咀巨咪女。

家燕姐早前為「佘穎」拉紅線，更一度誤會成事率高，她笑說：「我之前問過阿佘，佢話唔係，我以為佢係怕醜先咁講。但如果嘉穎遇到啱嘅女仔我都會恭喜佢！（個女仔係巨咪女，拍得住你喎！）拍得住我咩？我諗佢唔係揀呢類型嘅。」

鄭嘉穎
  • 鄭嘉穎
阿佘大方向鄭嘉穎送上祝福。
  • 阿佘大方向鄭嘉穎送上祝福。
薛家燕讚嘉穎靚仔又叻仔。
  • 薛家燕讚嘉穎靚仔又叻仔。