吳雨霏捱眼瞓賀曾昭怡嫁
富商曾文豪女兒曾昭怡（Natalie）與拍拖七年的男友郭俊賢結束愛情長跑，昨日兩人假淺水灣註冊結婚，今晚於君悅酒店擺酒，而歌手吳雨霏（Kary）、張天愛女兒邢嘉倩等則擔任姊妹團。
Kary透露與新娘子相識多年：「我同佢兩歲讀幼稚園就識，前一晚做完頒獎禮，今朝好早起身做姊妹，幾乎冇瞓過。（送咗咩禮物畀新人﹖）之前一班姊妹同佢搞咗兩次單身派對，一次外國，一次香港。」她稱早上接新娘時有玩兄弟環節，但新娘子預早吩咐要錫住新郎，不可以玩得太過分：「我哋都有玩，叫兄弟做掌上壓食地下搽咗忌廉嘅餅、貼膠紙扯腳毛、蒙眼化妝變成大花面。」Kary坦言見到好友斟茶時也有眼濕濕，當行禮時，自己也非常緊張，問到會否令她有結婚衝動？她不諱言：「OK啦！（幾時到你？）快喇！（男友求婚未？）未。（今年結婚？）未知。」
