娜姐欣宜意國鬥靚

「宅男女神」周秀娜與歌手鄭欣宜前日出發到意大利，出席網上時裝店的活動，更會示範不同造型，娜姐表示：「今次好開心被邀請，因為平時我都好鍾意上網買嘢，另外我都準備咗個篋，希望裝滿晒返嚟。」而欣宜直言首次參與有關時裝工作，更感到愕然：「因為諗起時裝，點會諗起一個肥妹仔，原來佢哋搵我係因為覺得肥妹點解唔可以着靚衫呢？肥妹都可以好有個人着衫風格。」她亦大呻香港難買衫，要網上買。