now密斟成事 梁思浩入ATV做節目

同業出手救亞視，其中由梁思浩主持的now節目《娛樂審死官》將與亞視合作，並租用其廠房進行拍攝，節目將於本周四亞視廠房錄影，而亞視執董葉家寶對無綫出錢出力，包括用逾百萬元買粵語長片及需要時借出新聞片幫忙大表感激：「同無綫係有合作，過往有粵語長片好耐冇播，無綫買咗播放權。（以六位數買？）數字可觀，但係商業秘密。（同李寶安接觸？）有唔同渠道同人聯絡，多謝各個媒體對亞視關心！（《審死官》借亞視廠拍？）有傾過租場，佢哋想喺亞視錄影廠做一集，講有關亞視人情味，喺亞視做特別有意思。（王征捲入桃色風波？）亞視唔會作任何評論，平時同王生接觸，覺得佢係正人君子。」