歐錦棠斥王征搞到烏煙瘴氣

亞視舊將歐錦棠昨出席跑步活動時提到亞視最近陷入財困頻頻拖糧，加上王征又捲入桃色風波，認真禍不單行，阿棠大為慨嘆：「亞視都唔係最近先唔掂。（面臨執笠？）唔會執嘅，放心啦！（曾講出希望亞視新聞元旦後停播？）唔係我希望佢停播，係停播都唔執咪堅囉，我真係希望係咁，你覺得委屈咪唔好做啦，但依家啲員工返工好慘，佢哋都抱有一絲希望、等緊出糧嗰日，我就覺得好唔啱，人工都唔畀人。（覺得王征唔好？）佢直頭唔好啦！（搞到亞視烏煙瘴氣？）佢有份啦一定！（替舊東家難過？）難過o架，啲人成日覺得我鬧，我唔係鬧，你話我諷刺乜都好，我覺得難堪o架。」