莊思敏絕不做小三
藝人莊思敏於電影《小姐誘心》中與姜皓文（黑仔）飾演夫妻，描述她因工作忙無暇應付「性上癮」患者老公的無盡性慾，以致夫妻間出現無數小三，莊思敏說現實生活中絕對不能接受第三者介入：「一段關係入面多過兩個人太擠迫喇，專一係愛情首要嘅宗旨。以前拍拖遇過小三，我唔會做小三，我相信有報應！」
提到「性」，莊思敏指若未認定對方之前絕不能隨便發生性關係：「若果真係拍緊拖就冇乜所謂，要你情我願嘅。（穩定嘅『性上癮』伴侶？）我會盡量配合，喺可行嘅情況下都會，但都希望佢去求醫，因為我都唔知會唔會有一刻會配合唔到！總有一日唔係好方便，咁點算呢？」
服裝：Ted Baker
場地：觀塘apm商場