徐子珊劏鼠爆喊 速逃片場

徐子珊為新片拍攝劏老鼠戲份,甫見老鼠,子珊未劏已嚇到花容失色,淚灑當場掩臉狂哭,其後更要逃離片場走到街上自我冷靜。她哭着表示太過殘忍,落唔到手。

徐子珊前晚在一間紙紮舖,拍攝吳家麗執導的新片《有客到》。戲中飾演患有自閉症紙紮舖員工的子珊受訪時笑言,拍攝至今相當順利,未有遇上怪事,亦不擔心拍攝現場氣氛陰沉,反而最擔心一場劏老鼠的戲份。話口未完,她已被召埋位劏老鼠。

拒用替身

工作人員先播放音樂讓子珊放鬆心情,但見子珊表現不安,待工作人員拿出一大兩小的白老鼠出來時,她即被嚇得花容失色、眼淚直流並掩臉狂哭,由於事出突然,嚇得現場工作人員不知所措,子珊即轉身離開站在一旁,似是受驚過度心情久久未能平伏,未幾更離開拍攝現場跑到街上冷靜,工作人員在旁安慰。

休息約半小時後,子珊心情較為平伏再踏片場,吳家麗在旁細心安撫兼教她如何克服心理障礙,亦建議她若「落唔到手」可找替身,但子珊最終堅持親身上陣,為免全場工作人員等候,惟有硬着頭皮忍淚完成拍攝。

獲讚專業

事後子珊表示:「 好殘忍,有感覺o架!真係好驚,點落到手?喺紙紮舖取景都唔驚,但劏老鼠真係極限。」雖然曾經爆喊,但子珊仍獲導演吳家麗讚專業,她說:「我留意咗徐子珊好耐,佢拍過好多電視劇好欣賞佢演出。今次原來佢被我擊中佢最脆弱嘅地方。當日傾劇本我同佢講要劏老鼠時,佢已經嚇到癲咗大叫,我當時惟有氹佢可能變做劏魚呢,但最終想逼真啲都需要佢劏老鼠。(心痛?)係呀,每個演員都會有一個弱點,只要你克服到就冇事。」

文:影視組