KamKam醒目「毒女」唔搞網戀

o靚模組合冬甩成員金慧君出過兩本寫真集，獲大批宅男fans支持，KamKam活潑又健談，想必性格外向，原來她最愛是上網打對戰game，最瘋狂時每日上網打機打足16小時！她說：「我依家20歲，有十分之一時間用咗去打機，用宅女形容我都唔夠，係毒女！打機重要過瞓覺。」

可曖昧唔受溝

KamKam經常上網消磨時間，與不少網友成為好友，宅男得知其身份紛紛展開追求，但KamKam都決絕派檸檬：「好多人向我示愛，話『等緊你呀！』、『冇咗你唔得呀！』咁，打機時又講啲肉麻說話，我唔會理，佢哋死纏一排自然消失。上網係識到好多朋友，但網戀就唔接受，我會set條界畀自己，最多係曖昧，始終男仔太沉迷打機，唔適合做結婚對象。」

KamKam樣子甜美，令宅男暈晒大浪。

KamKam是冬甩成員，曾出過兩本寫真。

問到擇偶條件，她希望男友成熟、高大及有肉地：「有啲肉攬住仲舒服，而且要夠高，因為我鍾意着高踭鞋。（要陪你打機？）呢樣冇所謂，唔阻我就ＯＫ。」

身子弱成日病

運動少自然身體弱，KamKam自認病美人，每當轉季就生病及皮膚敏感，早前參加有線節目《十萬蚊港女大翻身》攀山長跑及暴曬，她直言非常辛勞：「我似西施，靚女多病呀！行幾步都喘晒氣，我覺得女仔柔弱啲係優點，可以畀機會男友照顧嘛！但我呢排單身，係會寂寞，不過寧缺勿濫。」

金慧君（KamKam）

年齡：20歲　

身高：1米68　

三圍：33C、24、35

興趣：打機、睇漫畫、寫詩

簡歷：o靚模組合冬甩成員，曾參與兩本寫真集《Donut x inside》、《Looking For Love》。

文：立影　

攝影：張福宏　

場地：Loft23