賀入行40載志偉寸阿倫獻世

譚詠麟（阿倫）昨晚在九展筵開38席慶祝入行40周年，近百名圈中好友如成龍、曾志偉、陳百祥、李克勤、關楚耀、王馨平、彭健新、汪明荃與羅家英、狄波拉與鬍鬚Kong等人畀面出席，阿倫兒子未有到賀。問志偉可有準備賀禮？他笑言：「支持咗佢咁多年，係咪應該佢送番畀我？問佢拎演唱會飛，一張都唔畀我，仲話我喺佢袋搶錢，冇良心呀！」講到有人叫阿倫做多40年，志偉繼續寸好友說：「仲做多40年？獻世咩！不過佢仲好受歡迎。」
（左起）陳百祥、阿倫、成龍及曾志偉趁機敍舊。
（左起）陳百祥、阿倫、成龍及曾志偉趁機敍舊。

其後阿倫受訪時感謝一班朋友陪他打滾40年，又反窒志偉叫他退休說：「係咪叫我唔好連累朋友？演唱會分飛搞到我電話都唔敢聽。」身穿透視裙的王馨平性感到場，沒準備賀禮的她笑言：「冇人話要禮物喎，我sexy搭夠，校長（阿倫）鍾意sexy嘛！」

王馨平笑言性感打扮當送禮。
  • 王馨平笑言性感打扮當送禮。
李克勤準備赴宴癲番晚。
  • 李克勤準備赴宴癲番晚。
彭健新與阿倫多年老友，畀面到賀。
  • 彭健新與阿倫多年老友，畀面到賀。