沈震軒處男遇溺沉迷發綺夢

無綫藝人沈震軒（Sammy）、陳華鑫（Gloria）及陳潔玲等，昨日到荃灣沙灘拍攝無綫劇集《性在有情》。

陳華鑫夾胸急救

劇情講述演戇直男教師的Sammy不慎遇溺，被穿三點式的Gloria落水營救及夾胸人工呼吸，可謂艷福無邊。雖然昨日天氣寒冷，但一眾女演員唔怕凍即興打排球，場面養眼。

沈震軒遇溺，陳華鑫為他施心外壓及人工呼吸。

陳華鑫（右）與陳潔玲即興打沙灘排球。

現場美女如雲，問Sammy可擔心不慎觸摸對方而感尷尬？他笑言百無禁忌，並大讚新劇話題「好爆」。與王君馨飾演一對的Sammy透露於劇中經常發綺夢：「君馨喺劇入面好需要sex。（同你有咩大膽場口？）我扮演處男，仲係女校唯一嘅男教師，我會成日夢到君馨。（發綺夢？）係呀！」

飾演女學生的Gloria不時「夾胸」晒身材，除了令同場演員盧俊龍失神「眼望望」，更成功揮低穿錯大碼泳衣的陳潔玲。但Gloria自爆未做好防走光措施：「只有綁緊啲套泳衣。（貼膠紙？）冇呀，我一陣去黐番先。」

另外，無綫劇《醋娘子》上周日大結局，平均收視27點，最高達29點，較上一周同時段節目收視升10點。

文：影視組