高海寧唱聖誕歌錯Beat冧長者

高海寧（高Ling）昨日與劉丹、郭少芸和蔣家旻等一眾無綫劇《愛‧回家》演員，到觀塘一長者中心探訪，提早與長者做冬兼賀聖誕。問單身的高Ling會否「Dry爆」過Lonely Christmas？她說聖誕要趕拍《愛》劇兼四出做商演，但不愁寂寞有「仔」陪：「聖誕呢段時間，爹哋又生日，之後幫我慶祝攞咗馬來西亞個獎。」
高海寧派禮物，婆婆甜入心。
高海寧派禮物，婆婆甜入心。

而高Ling亦與眾演員帶領約40名長者做熱身操，以別開生面方式向他們送暖，高Ling領唱聖誕歌《We Wish You A Merry Christmas》時，卻略顯「甩咳」。她受訪時死撐「冇錯Beat」：「我望住張紙點會『甩甩咳咳』，只不過係我哋個歌詞同播嗰個版本有啲唔同，所以唱出嚟好似好多雜聲咁，我尋晚（前晚）特登練o架！」

眾《愛‧回家》演員與長者做冬兼預祝聖誕。
  • 眾《愛‧回家》演員與長者做冬兼預祝聖誕。
郭少芸等與長者玩傳波遊戲搞氣氛。
  • 郭少芸等與長者玩傳波遊戲搞氣氛。