伍靜麗親製香包 過暖笠笠聖誕
熱愛DIY手作的名模伍靜麗，為迎接聖誕落手落腳造聖誕掛飾，更把牛仔褲剪爛製成香包做小禮物，為聖誕送上暖洋洋小心意！她又分享低調而華麗、性感而型格的聖誕造型心得，等大家參加聖誕P時令人眼前一亮！
名模伍靜麗（Angie）近日趁聖誕佳節前，親自製造手作裝飾及小禮物，分享溫暖聖誕氣氛。她以鈕扣於布蘑菇上添加眼睛，造成聖誕裝飾掛於門前：「我將肉桂油滴咗喺Christmas decoration度，我好鍾意肉桂味，覺得好warm。希望我啲鄰居返屋企都會聞到，我都想將開心散播出去。」她更以男友的舊牛仔褲，造成肉桂松果香包，準備送給朋友作小禮物。
展露含蓄性感
聖誕造型方面，Angie以紅色格仔裙配黑色皮top，大騷長腿展現型格美！她說：「今日冇揀到純紅色或白色裙，用紅色格仔裙襯綠色鞋，呢啲都係好Christmas嘅顏色，好精細嘅聖誕feel！」她又示範以白色鬆身跌膊衫上陣，流露若隱若現的性感美態：「有時着鬆身衫都可以好glamorous嘅！」
High-fashion味極濃的Angie性感上陣依然高貴有型，擺起甫士來駕輕就熟，眼神到位！她直言初入行時眼神會較用力：「因為係最易做o架嘛！慢慢會soft咗，我覺得影相係要由內在感覺發出嚟。」
文：專案組
攝：吳文聰
場地：22°N
模特兒：Angie Ng@Model One