吳若希自我隔離 含淚谷人氣

吳若希（Jinny）早前成為「封」雲人物，經常登上雜誌封面，年僅22歲的Jinny承認曾為不實報道感到不開心，她說：「初時會唔開心，後期見連續幾個星期都有不實報道，就開始冇咁緊張。（有冇喊過？）有，因為當時唔識處理，一時間消化唔到。」Jinny又感激朋友及同事鼓勵：「好彩有佢哋開解。」

咀嘴相流出

對於與圈外男友咀嘴的陳年照流出，Jinny謂：「不實報道可以唔理，但張相流出咗影響到對方，呢個係最唔開心，始終大家分開咗。（仲有聯絡？）冇主動，只係靠身邊朋友八卦佢近況。」

擁有42吋長腿的Jinny其實不乏裙下之臣，她坦言不實報道令追求者卻步：「一定有影響，經過呢啲嘢，令我知道邊啲人值得信任同依賴。」

吳若希與舊愛的咀嘴相早前流出。	拍《衝線》時，吳若希曾與羅仲謙傳緋聞。（資料圖片）	吳若希曾因不實報道而感不開心。

冇時間拍拖

早前拍攝無綫劇《衝線》時，Jinny又與同劇的羅仲謙傳緋聞，加上自己是非纏身，Jinny拍劇時會「自我隔離」：「劇組嘅同事對我好好，成日鼓勵我同叫我睇開啲，但唔想連累人，所以好多時自己行開一邊。」她又強調現以工作為重：「依家單身，真係好忙，冇乜時間拍拖，連朋友約食飯都去唔到。」

文：音樂組