仙樂都開工被博懵 嚇到閃人

身材索爆的仙樂都（Yoyo），因於網上做節目令更多人認識，提到因「仙樂都」這角色爆紅，她指：「唔算爆紅嘅，只係因為用仙樂都呢個名喺網上做節目，令更多人認識到我！但係對我生活都有好多大改變，初初我只係一個model仔，突然好多人認識我，對我指指點點，試過畀人非禮，之後仲要畀網民鬧！我一頭霧水，之後我直頭唔理人哋講乜，又學識去應對傳媒，呢段時間入面我都學到好多嘢！」

《東網Baby》帶挈

工作時打扮性感，要學會保護自己，仙樂都都有自己的一套：「有時離遠見到對方望住你心口，我會叫工作人員提防吓，跟住自己閃，我覺得自己醒咗好多！佢哋真係會專登走埋嚟，有心撞落你心口，好得人驚！不過其實見開嗰啲fans係乖嘅，唔會好似佢哋咁！」

又出書又學做戲的仙樂都，積極裝備自己。

仙樂都直言做《東網Baby》後，人氣急升。

而仙樂都會繼續有新挑戰，甚至做文人：「我會寫書，會講我做咗咁多年model嘅心路歷程，但我未係寫得太流暢，個編輯都好辛苦，我會畀心機！我亦會參加電視劇，又會拍電影，會做好多唔同方面嘅job！另外我真係要多謝《東網》，因為我做咗《東網Baby》之後，多咗好多人搵我開工！」

工作至上唔諗拍拖

對於感情事，仙樂都相信順其自然：「我一路都想搵啱對象，依家我覺得做嘢緊要啲，拍拖都係遲啲先諗啦，有時連瞓都冇時間，要學唱歌、跳舞、做戲，好多時間都用嚟學嘢、做宣傳，自己都唔夠時間用，點拍拖喎！當然普通約朋友食飯社交生活係會有嘅，不過一句講晒都係順其自然啦！」

攝：黎志輝　

場地：Otto Restaurant

文：專案組