娜姐全女班搵「舞男」在歡
聖誕將至，藝人周秀娜表示將在家舉行全女班內衣派對，透露想請擔正《鴨王》的師弟何浩文（Dominic）扮脫衣舞男贈興，夠晒慶合合，不用覓男友做暖蛋！
藝人周秀娜（娜姐）、鍾欣潼（阿嬌）、周家蔚、蔡穎恩、組合Super Girls等昨日出席「she.com美容大賞2014」頒獎典禮擔任頒獎嘉賓。當中周秀娜以低胸tube dress現身，由於不少觀眾在二樓觀看，問到可有做足安全措施防走光？她笑言全程要挺胸收腹：「已經黐咗膠紙，但冬天冷縮熱脹，黐嗰時熱，頭先喺出面凍就縮咗，膠紙已經冇用。」
娜姐表示將會在家舉行聖誕內衣派對，邀請圈外友人出席，她希望朋友送暖爐作禮物：「天氣咁凍，屋企要擺三個暖爐先得，驚啲女仔凍親。」她表示已計劃好派對流程：「先敷個mask，然後再化妝開內衣派對，（有冇男仔參加？）全女班，（搵個男友做你嘅暖蛋！）諗住搵個脫衣舞男畀幾個女仔開心下，Dominic啱啱拍《鴨王》，搵佢過嚟啦有經驗，叫佢收我平啲。」記者笑言Dominic已經夠晒有眼福，應該娜姐收錢，她說：「我呢個提議幾好，驚啲朋友唔捨得走！」
阿嬌上海話掂
而阿嬌表示最近與葛優及章子怡等合作拍戲，透露在戲中飾演葛優第五個老婆，問到有否親熱鏡頭？她口快快漏口風：「未拍到，（即係有？）唔可以透露住，（期待同葛優拍親熱戲？）期待。」阿嬌表示拍該片最有難度是要以上海話拍攝：「所有演員都唔係上海人，有導師教我哋上海話，老師讚我講得最似，因為我係南方人。」談到好友蔡卓妍（阿Sa）拍攝《雛妓》而情緒低落，她說：「只係知佢拍前有啲擔心，但同華哥（任達華）拍完就安心，個劇本又好好。」問到如果遇到好劇本但需全裸演出，會否接拍？她說：「會，有嘢遮住嘅，（接受唔到全裸？）好嘅劇本可以嘗試。」
文：名人組