子珊嫁去芬蘭過聖誕

曾到美國留學的徐子珊，每年均有幸度過白色聖誕，與不同國籍同學開派對，各自炮製家鄉菜與眾同樂，眾人亦會走到屋前堆砌雪人，於製作期間更會爆發混戰，與同學們互相擲雪。

回港後，子珊指佳節前也會為安樂窩悉心布置，她謂：「我會走去花墟買聖誕花應節，又會買吓聖誕裝飾，但屋企位置有限，擺唔到真嘅聖誕樹，惟有買有松果味嘅香薰蠟燭，到咁上下時間點着佢，咁間屋就會成陣香味，感覺好聖誕囉！同埋都會將朋友送嘅禮物堆晒一齊，等boxing day嗰日先拆，好開心o架！」

恨睇北極光

談到夢想聖誕，子珊直言最想到芬蘭過，她笑謂：「真係好想有一年可以實現到呢個願望，之前睇戲就睇好多，好想親身去探吓真嘅聖誕老人，到時我會申請做『聖誕老婆』，梗係睇埋北極光啦，唔知幾時可以成事呢！」

攝：劉斌

場地：Elements

髮型：Maggiefannie @ LA biosthetique

文：影視組