霆鋒揀向海樓唔怕人（目及）

自言向來買樓首選私隱度高的霆鋒，受訪時大賣口乖，狂讚維港峰配套完善，兼且有180度海景，所以不怕被偷影。問霆鋒老闆楊受成可有送單位給他作為酬勞？霆鋒笑說：「老闆冇講，所以今日佢冇嚟到。」

拍跳海戲險出事

霆鋒坦言工作忙經常要飛來飛去，在飛機睡覺的時間比在家還多，問是否因此較喜歡買舖位投資？他說：「唔知呀，依家做好手頭上工作先，我經理人當好似有三個謝霆鋒咁接工作，已經排到2016年。」

談到日前人稱「高佬」的資深攝影師陳國雄在拍攝成龍新戲時不幸墮海身亡，霆鋒嘆息說：「一定合作過，我出道15年，所有工作人員都好好感情，好似一家人咁。」

霆鋒又稱成龍現時一定很傷心，自己日後拍戲亦會注意安全：「我知道大家都唔想我出事，總之我能力範圍內，為件事好嘅我都會做，呢個先係電影精神。」同場的霆鋒經理人霍汶希指霆鋒早前拍《逆戰》一場跳海戲時險出事：「佢由躉船跳落海，足足三分鐘冇上嚟，嚇死我。」

文：音樂組